【一張圖搞清楚唔投票、白票、廢票】



尋日澳門舉行咗首個「愛國者治澳」嘅選舉,有13萬選民投票,投票率只有四成,另外有3千張空白票同2千張廢票。有人以印仔吸出「屌」同寫上「光復沃門」等字眼以表對偽選舉嘅不滿^。 澳門今次公開咗投票人數、有效票、白票同廢票數字,但港共喺嚟緊十二月嘅立法會選舉會唔會出賤招唔公開,我哋密切期待。


以下簡單整合咗網上大家對唔投票、白票同廢票嘅睇法,歡迎大家進行激烈討論,學術交流一吓。


1. 唔投票 好處:可以拉低投票率 弊處:有機會被人盗用身份投票為港共做數(解決呢個問題可以喺各票站外點投票人數,到時數字落差大就可以證明港共做假)

唔投票對外可能會覺得純粹係無去投票,「沉默嘅大多數」咁。但前年區選投票率高達七成,假設今次投票率低至四成,差異咁大外界會比起覺得香港人港豬唔盡公民責任,更加會相信係香港人唔相信制度同政權,從而拉低投票率同認受性。

如果因投票率低,港共避重就輕只係公佈得票率,其他一概唔講,更顯得黑箱作業。


—————————————————— 2. 白票 好處:用沉默作表態,可以避免選民資格被盜用 弊處:拉高投票率 港共有機會派人見到空白票就靜靜雞印返


3. 廢票 好處:可以吸印嚟表達意見(但條件係港共仲沿用之前嘅點票方式,投影廢票出嚟) 弊處:拉高投票率 喺外界眼中如果無圖片作支持,對外觀感只屬意外損毁


今次嘅偽選舉好可能唔再宣佈白票同廢票數字,假設港共只透過文字直播,佢哋只宣佈所謂當選人嘅得票率,都可以話建制喺有效票中大比數勝出。


白票廢票兩樣都會計落投票率,喺港共眼中,當你行入去就係仲相信制度。雖則白票有種揀唔落手嘅感覺,而廢票可以用印仔印出你想表達嘅嘢,但港共仲可以拎住投票率話大家仲相信香港仍有民主,賦予選舉認受性。


假設港共如常公佈所有數據,包括白票廢票數目,建制喺係大多數無效票下當選,都可以向外界展示到佢哋未能代表民意,當眾落面。但點都好,每個小時都會有投票率人數,只要加埋最後所有參選人嘅得票數字,就可以知道有效票同無效票各佔幾多。


—————————————————— 相信選擇唔投票、白票同廢票嘅都係對港共政權不滿,但係當一切都數據化時,只要港共演繹方法唔同,有機會就令外界對香港情況睇法有所不同。老老豆豆,大眾媒體只會聚焦喺投票率同當選人,即使白票廢票多,最終文字反映到嘅只係失效票。

無論如何,我哋必須行動一致先可以達致最大效果,對抗暴政。


呼籲杯葛香港立法會選舉聯署表格:https://forms.gle/yEwGs1PGFEXNkA8z7


^資料來源:https://thestandnews.page.link/kc7JYKGR7JyjkC8B8

137 次查看0 則留言

最新文章

查看全部