繼港大移走「國殤之柱」之後，中大同嶺大都分別清拆校內嘅「民主女神像」同「六四浮雕」^。
清拆嘅唔止係藝術品本身，更加係民眾集體回憶同歷史。曾經喺抗爭街道上嘅塗鴉，一字一句，一磚一瓦都承載住香港人共同擁護嘅價值。但港共每一次嘅清拆、清洗，除咗係扼殺抗爭痕跡嘅存在，更加係喺無形當中製造白色恐怖、抹殺抗爭思想，令思想交流空間喺呢個城市徹底消失。
但以上所清拆象徵民主嘅藝術品都只係死物，更需要我哋關注嘅應該係一班活生生為香港人爭取民主，但依家喺監房入面嘅手足。香港民族最重要嘅一定係每一位熱愛香港嘅香港人，所以無論係喺監房嘅手足定係流亡海外嘅手足都需要我哋去關心。但最重要嘅係同時我哋都應該諗吓點樣可以令到手足受嘅苦減少，有無可能令佢哋可以坐少一日、可以流亡少一日？希望大家喺普天同慶嘅日子都唔好忘記一班為香港付出嘅人。
^資料來源：https://thestandnews.page.link/vPZ643y69RyEMTiU7