今日，有份參與721恐襲嘅7個白衣人被判3年半至7年[1]，其實計埋條數實坐都只係2年幾至4年幾左右。由香港電台製作嘅「721誰主真相」同立場新聞嘅「721尋源」，我哋都好清楚了解到成件事背後係由中聯辦策劃。
講真，啊公吹雞做嘢，做細一定要去幫拖我明嘅。有啲比較醒少少嘅就會好似何君堯同梁福元咁唔會自己岀手，一係就知道做完嘢就要好似西瓜祥咁走佬。好明顯呢7個傻仔都信啊公講「沒事兒」，「沒事兒」咁，轉個頭就比啊公當condom咁拎咗岀去祭旗，用完即棄。何君堯仲要落多腳承認班鄉黑有罪，但判決太重，提岀可以向林鄭要求特赦唔洗坐，但又帶返頭盔話只係提出可能性[2]，存心諷刺佢哋。睇佢哋啲家屬個款都似收唔足安家費，真係比人利用完就即飛，今舖我就真係撐佢哋喇。香港法治真係已死，幕後主腦好似李薊貽同葉虎證據確鑿又唔拉，佢哋出嚟煽動其他人去仇視政府就拉，如果佢哋搞反政府示威我實支持。
資料來源： [1] https://hd.stheadline.com/.../%E5%8D%B3%E6%99%82-%E6%B8...
[2] https://www.singtaousa.com/.../3530522-%E5%85%83%E6%9C.../