塔利班重奪阿富汗政權，作為塔利班好朋友嘅中共梗係對美國冷嘲熱諷。今日外交部就指美軍駐守阿富汗20年留低嘅只有動盪分裂同破壞^，再一次我哋可以欣賞到中共外交部自我陶醉嘅能力，完全無視自己嘅所作所為，雙重標準到極致，同樣我哋只要換一換字就可以成段嘢還返比佢。
—————————————————————
我哋注意到，中國共產黨喺香港嘅目標唔係重建，因為無論係喺香港、新疆，定係西藏，全世界睇到中國共產黨所到之處，留低嘅都係動盪分裂、家破人亡，留低千瘡百孔嘅爛攤子。中國共產黨嘅力量同作用係破壞，唔係建設。
另外，我哋亦注意到華春瑩喺演講中表示，唔會再犯對別國內戰投入過多精力，通過無休止軍事干預重塑其他國家嘅錯誤。全世界都希望中國共產黨可以對其動輒軍事干預、窮兵黷武嘅政策做出認真反思，停止打著民主、人權嘅旗號，肆意干涉其他國家嘅內政，破壞其他國家同地區嘅和平同穩定。
^資料來源：
https://news.rthk.hk/rthk/ch/component/k2/1606295-20210817.htm?spTabChangeable=0