【做人做狗自己決定】

已更新:2021年7月25日


打政府工就要做政府隻狗?好明顯港共想全香港都服服從從、聽教聽話。年頭全體公務員必須宣誓效忠港共,今日又話考慮將範圍進一步擴大至政府資助機構,例如醫管局轄下嘅醫護人員、社會福利機構社工、官校教師、甚至法定機構職員,有份接受公帑資助嘅員工都必須表態忠於港共^。除此之外,李家超更督促決策局去檢視現行唔同行業嘅發牌制度,下令必須加入國家安全元素,當中包括律師。如果考牌都要宣誓,全部講人話嘅律師都變晒維權律師。

港共將魔掌同紅線再進一步逼近香港人,喺對抗極權嘅暴行時,無人可以獨善其身。如果每次嘅壓迫我哋只有妥協、沉默、一退再退,港共只會得寸進尺,加倍迫害其餘捍衛香港自由嘅手足。你以為簡單跪下、宣個誓就可以保住份工,做個順民?港共嘅賤招大家心裡有數,只要佢話一句你態度差,覺得你唔係真誠擁護,等緊你嘅就只有清算。所以到今時今日再無人可以跪低就得到黨嘅寬恕,抽身而去,與其不斷退讓都係會被清算,不如堅持擁護我哋珍貴嘅良知、真相同自由啦。

以下轉載同改篇自網路: 你們香港人顯然不瞭解國安署對違反國安法的定義

目前國安署把不願意跪下來的香港人都定義為違反國安法

等你們全都跪下了,國安署會把跪下來姿勢不正確的定義為違反國安法

等你們跪著的姿勢都符合要求了,國安署會把跪著但沒有笑容的定義為違反國安法

等你們都笑著跪著了,國安署會把心裏面沒有全然服從的都定義為違反國安法

這個時候你們香港人就知道什麼是違反國安法了

^資料來源:https://www1.hkej.com/features/article...

1 次查看0 則留言

最新文章

查看全部