【光復香港——重光紀念日】



香港重光七十六週年,二戰時期被日軍侵略,駐港英軍、加拿大軍隊、皇家香港軍團等奮力保衛香港。可惜始終兵力懸殊,歷時18日嘅抵抗,最終喺1941年12月25日被日軍節節擊退後,正式進入三年零八個月嘅淪陷時期。之後,1945年8月美國向日本投下原子彈後,日本宣佈無條件投降,英國皇家海軍夏愨少將喺8月30日抵港受降,並宣佈香港重光同恢復英國對香港嘅主權,重新管治香港。為咗悼念喺香港保衞戰中為港捐軀嘅英烈,以及紀念香港重光,港英政府將每年8月30日定為「重光紀念日」並列入公眾假期。


香港保衛戰期間,守軍身處劣勢仍戰鬥到底。雖然最後被攻陷,但烈士捨身成仁、以生命守衛香港嘅精神值得每個香港人銘記、尊重。但自1997年中共侵佔香港起,政權多次以「去殖民化」同「發展」嘅名義嘗試令大眾淡忘香港歷史,喺1999年更直接將重光紀念日取消,並喺2014年宣佈以後每年9月3日會跟隨共產黨紀念「中國人民抗日戰爭勝利」,試圖磨滅香港人嘅身分認同。


歷史、文化同語言係建構、鞏固一個民族嘅核心,即使港共刻意篡改歷史,但作為香港人我哋有責任去認識同捍衛自己民族嘅歷史,銘記香港人呢個身份,堅持到底對抗暴政,香港重光一日定必來臨。


如果想了解香港保衛戰歷史,可以去由浸會大學歷史系副教授鄺智文同研究團隊建立嘅1941年香港戰役空間史研究計劃到睇吓。

17 次查看0 則留言

最新文章

查看全部