【共產黨本質】



尋日中共發表《一國兩制下香港的民主發展》白皮書,當中指《中英聯合聲明》並無「普選」、「民主」呢啲字眼^。更加話喺英殖時期嘅香港無民主,但喺「完善」咗香港選舉制度之後就有。


由2019年開始,中共對香港都由以前軟性入侵變做高壓政策,亦都因為《中英聯合聲明》有漏洞:「香港特別行政區政府由當地人組成。行政長官在當地通過選舉或協商產生,由中央人民政府任命」、「香港特別行政區立法機關由選舉產生」等字句,所以共產黨就用唔同方法將政府同立法機關嘅人由一啲親中人士擔任,而選舉就將所有反對聲音DQ,完全附合一份「歷史文件」嘅形容。走呢啲法律罅滲透亦都係共產黨一貫作風,所以佢哋先可以執住《中英聯合聲明》有關香港選舉問題嘅內容,利用根本無「普選」、無「民主」嘅字眼發表呢份白皮書。


如果用常理去同共產黨對抗係根本毫無勝算,因為佢哋只係一班唔講法律、唔講道德嘅爛仔,我哋要認清佢哋嘅本質先可以作出有效抗爭。


^資料來源:https://thestandnews.page.link/hvek84w7zc9QViBw9



24 次查看0 則留言

最新文章

查看全部