喺中共大力支持下，「香港地方誌中心」今日出版《香港參與國家改革開放志》，希望藉此增強香港人嘅「愛國主義情懷」、「民族自豪感」[1]，共產黨又扭曲歷史去洗人腦。
國務院港澳辦主任夏寶龍喺出版典禮中提及香港歷史，指「香港自古以來就係中國嘅神聖領土」。又話中華人民共和國嘅成立，宣告結束「中華民族」任人宰割、飽受欺凌嘅時代，香港從此有咗最堅強的後盾。
我哋又要介紹返我哋【認清史實】專題，夏寶龍強調由秦朝開始，香港就喺中央政權嘅統轄之下，但當時香港根本無納入到所謂嘅中原「國土」入面，史實同中共一直所提出嘅論述有所出入。佢哋亦篡改歷史，將侵略香港講成回歸中國，企圖混淆、誤導香港人嘅身份認同。
另外，共產黨多次提及「中華民族」呢個政治詞彙 [2]。事實係自中華人民共和國成立，各個民族都有受到中共唔同程度嘅歧視、迫害，甚至種族清洗。但中共就一直以「中華民族」呢個詞彙去進行所謂「民族共融」，合理化佢哋滅絕各個民族嘅暴行。
我哋強烈譴責共產黨扭曲、抹黑香港歷史。重申，香港人並唔係中國人，亦唔係佢哋所謂嘅「中華民族」。
【認清史實】系列：liberkong.org/%E5%B0%88%E9%A1%8C
資料來源：
[1] HK01
[2] https://www.liberkong.org/post/%E3%80%90%E6%96%87%E5%8C%96%E5%8F%B2%E8%A7%80-%E6%B4%97%E8%85%A6%E3%80%8C%E5%81%BD%E3%80%8D%E8%A1%93%E3%80%91