馮驊今日再次重申投票站現場禁止展示「任何有政治意識」嘅字眼，並強調香港選舉制度係「政治中立」^。佢指選民唔應該著穿有政治訊息嘅服飾入票站，定義由投票站主任判斷，如果違反選舉主任嘅命令即屬違法。
首先，今次嘅選舉上至制度下至票站職員都由港共操縱，根本就唔係政治中立。杯葛選舉係我哋要做嘅事，唔投票又點會有服飾問題，不過呢件事係極度反智。
投票係市民參與政治其中一個途徑，當選民利用選票去表達政治訴求嘅同時，一個政權竟然容納唔到市民靠衣著去表達政治意向。仲要字詞嘅定義可以任由投票站主任判斷，根本無理據可言。港共就係要控制所有嘢，由言論自由到人身自由，咁先可以確保佢哋政權穩固，因為佢哋無本錢再經歷一次大規模抗爭。
^資料來源：https://thestandnews.page.link/5jyoUpamVED9tz2KA