612人道支援基金喺兩年前因支援反送中而成立，今日宣佈將會停止運作^。
呢一刻喺香港成立或者維持基金同組織運作即使有盡量符合港共嘅法律要求，但最終根本都係徒勞無功。因為只要一日香港係由共產黨操控，所有規條都任佢哋定，就一日都無可能會有法治存在。所有烈士、在囚義士、手足我哋都唔可以遺忘，亦唔可以忘記、輕易放過草菅人命，蹂躪香港民主自由嘅中共，而我哋每一位香港人真正可以為手足做嘅唔淨止係減輕佢哋喺牢獄嘅痛苦，反而係加速，令佢哋喺入面嘅時間減少先係正確方法。
喺港共打壓下一個又一個組織被迫解散，我哋都唔應該就此茫然失措。每一位仍然堅持嘅香港人都應該為自己、為手足、為未來挺身而出拯救、捍衛所相信嘅嘢，負責唔同崗位共同協力，各司其職咁向目標進發。
^資料來源：
https://thestandnews.page.link/77bkcdwe6pP5VB6k8