【嚴正聲明】



今日黑警拘捕咗兩位手足,指涉嫌喺網上發布煽惑訊息 ^。


煽惑他人呢個罪名係港共打壓手足嘅揦鮓手段,為咗肅清異見就肆意安上一個罪名。每一位手足都係我哋抗爭嘅力量,無一個手足要因為對抗暴政而應該受牢獄之苦。我哋要提醒咁多位,喺任何討論區都需要保護返自己,用VPN做足安全措施,同埋謹記唔好自爆,任何一個地方都要小心提防mon po狗。


另外,黑警話其中一個手足為網上討論群組嘅管理員,指該群組曾經發佈大量煽惑他人做違法行為嘅帖文同討論,而黑警所提供嘅截圖入面正正就係我哋嘅Telegram公海。


首先,我哋強烈譴責黑警調查粗疏,佢哋所拘捕嘅手足並唔係我哋LIBERKONG嘅管理員之一,我哋懷疑黑警係想砌手足生豬肉,將更加重嘅罪名加喺手足身上


LIBERKONG嚴正聲明組織嘅一切言論都同該名手足無關。我哋喺呢到懇請大家留意事件,我哋亦會持續關注,以免有手足被港共暴政誣衊入罪。


此外,我哋所有文章同言論都係指出史實同真相,並無違法行為。中共武力侵佔香港就係證據確鑿嘅違法行為,港共不斷扭曲史實同抹黑任何一個將正確歷史傳承嘅人,但我哋唔會因為咁而退縮,而目標亦都只有一個。


^資料來源:https://thestandnews.page.link/hnSVaXs7suPeRGBX9



33 次查看0 則留言

最新文章

查看全部