【國殤之柱】



港大尋晚清拆「國殤之柱」,指如果繼續展示雕像有機會違法,所以衡量咗大學嘅整體利益,就作出呢個決定^。喺1996年,丹麥藝術家高志活因六四事件而創造其中一座「國殤之柱」,透過雕像令大家謹記每一位捍衛民主自由、對抗暴政而犧牲嘅人。


歷史係建構民族身份嘅重要一環,但係淨係記住歷史係並唔足夠,因為記住歷史係唔足以改變未來。唔作出行動、反抗,淨係不斷去用記念、懷念嘅方式係唔會對政權有所動搖。我哋需要嘅係實際行動,更加唔可以依賴其他民族去為香港民族去爭取,我哋有責任為自己嘅民族付出。


無人想永續社運,喺重光之前每一步路都由我哋自己行出嚟。大家對重光嘅預想都各有唔同,當然每一條路都需要嘗試、堅持,如果錯咗就再試過。將過去作為推動我哋光復嘅力量,對重光嘅決心令我哋堅持,以行動一步一步去做達成我哋對對方嘅煲底之約。


^資料來源:https://thestandnews.page.link/cedr2wH8Tk2HoUfk7


21 次查看0 則留言

最新文章

查看全部