唔同恐怖分子談判係全世界所有國家反恐嘅準則。但中共就背道而馳，忠於自己內心咁喺上月尾派出國務委員兼外長王毅喺天津同阿富汗塔利班訪問團會面，希望同塔利班共同打擊東伊運^。中共同塔利班嘅合照中平起平坐，完全可以證明中國共產黨同恐怖份子有密切嘅聯繫，王毅亦承認中共係塔利班好友，所以我哋有理由相信中國共產黨都係一個恐怖組織。而喺同中共會面之後，塔利班隨即喺阿富汗境內發動侵略，而中共對侵略嘅行為唔單止無作出譴責，仲將責任歸咎西方國家同西方國家承認嘅阿富汗政府。對待恐怖份子必須要一視同仁，美國同聯合國都會制裁同塔利班相關嘅恐怖分子，中共作為塔利班好友連帶制裁都係合情合理。
^資料來源：https://news.rthk.hk/rthk/ch/component/k2/1603023-20210728.htm