【如何貫穿香港民族】

已更新:2021年7月25日


喺今日嘅香港發展中外文化藝術交流中心高峰論壇到^,中聯辦同鄭月娥再次想向文化落手,以香港發展為名,一步一步殲滅香港人呢個文化。換個方向諗,佢哋又俾方向我哋應該點樣去應對。

文化其實係構成一個民族嘅重要元素之一,呢幾年嘅運動更加反映岀香港人文化身份認同嘅歷程——中国文化唔係香港文化。本土文化係每一位香港人都應該盡全力去守護,唔應該再俾外來嘅文化入侵、吞併、消滅我哋原本獨特嘅一面。

香港文化已經喺我哋血脈入面,不可磨滅,即使身處海外,香港人都應該盡力保留返我哋嘅文化。喺了解其他國家文化嘅同時,其實亦可以將香港獨有嘅文化宣揚開去。我哋堅持用香港語(大眾認為係粵語)正字出文,正正就係因為香港語每一個字詞都反映岀我哋獨有嘅文化;粵英混用都係香港人嘅特質,因為歷史嘅影響,我哋挑選岀將外來語嘅優點融入生活,獲得進步嘅同時又唔會失去原本文化,強化而非取替原有嘅文化先係關鍵。除咗語言、歷史論述同回憶,甚至細小到日常生活都會影響文化身份形成。所以,文化雖則唔係我哋反攻嘅武器,但係係貫穿成個香港民族嘅重要一環,我哋必須捍衛!

^資料來源:https://news.rthk.hk/.../component/k2/1601897-20210721.htm

1 次查看0 則留言

最新文章

查看全部