今年3月有官職人員（保安局副局長區志光、入境處處長區嘉宏同海關關長鄧以海）出席一個由中資民企高層舉辦嘅「私竇飯局」，同場有人涉及強姦案。呢件事極度令人懷疑政府高官同大陸嘅商人有乜密計傾呢？
呢單醜聞曝光後，班狗官即刻衝晒岀嚟互相包庇，官官相衛，試圖淡化事件，合理化官商勾結。李家超表示政府官員同唔同界別嘅人士接觸係好平常嘅事[1]，葉劉更加話政府高官同支那企業高層食飯係無可厚非[2]。政府更公然開綠燈就話如果唔知餐飯嘅價錢，同活動屬於交際就可以唔申報。諗住ICAC會調查今次事件有無涉及行賄？好抱歉，老廉都係佢哋嘅人。
成餐飯局疑點重重，港共至今都仲未有直接回應。第一，點解保安局、入境處同海關嘅官員會岀席有關飯局？佢哋本身同恒大高層係咪一早就識，當中有無中間人穿針引線？當日應邀係咪事先知道飯局目的？當日到底傾咗啲乜？有無討論到關於港共政策同機密？政府以咩準則確定係咪應邀？甚至到呢一刻港共都仲未公佈其餘有份岀席飯局者嘅身份？會唔會有鄉黑在場？今次事件係咪梁振英/ 鄧炳強流浮山小桃園翻版？
醜聞接踵而嚟，繼國安處處長蔡展鵬揼骨案，今次又再有高官被發現疑似官商勾結，品德誠信令人質疑。大家都係貪，曾蔭權同許仕仁相對地唔服從中共嘅就淪為階下囚，但而家個個都升官發財、平步青雲，犯錯仲有港共各位官員護航、袒護佢哋，根本全部都係共產黨黨員。
PS: 有份應邀岀席共產黨黨慶嘅有入境處處長區嘉宏、海關關長鄧以海、消防處處長梁偉雄、懲教署署長胡英明，仲有廉政專員白韞六[3]。
資料來源： [1] https://news.rthk.hk/.../compo.../k2/1600160-20210710.htm... [2] https://www.881903.com/news/local/2399666 [3] https://www.singtao.ca/.../post-%e6%9e%97%e9%84%ad%e7%8e.../