【官派律師】



港共上個月先提出「完善」法援制度,包括刑事案件,法援申請人再唔可以自選律師代表,改為「官派律師」。今個月就靜靜雞開始實施,當中影響多宗《國安法》同暴動案義士,包括唐英傑義士、部分初選47人等^。


唐英傑義士被判囚九年,法援署唔單止將原本代表佢嘅大律師劉偉聰剔除上訴大狀名單,另外仲指派一個由深圳市政協常委、北京國際仲裁中心仲裁員所創辦嘅事務所去代表一個爭取民主自由嘅義士。為義士爭取獲得公平嘅審訊?聽到都覺得荒謬啦。


一個捍衛香港民主自由嘅義士被獲派一個合夥人係支持中共暴政嘅律師樓,法援署完全發揮「官派律師」呢個「完善」咗嘅制度到極致,完全無掩飾法治已經淪為維穩嘅工具,完美演繹咗點樣係扮有司法獨立。無錯,被告依然有律師代表,但係委派到嘅講到尾都係同共產黨同一立場嘅人。律師都係一個個體,同樣都會有自己嘅政治立場。「官派律師」係由官方委任,政治立場已經篩選咗,佢哋所保障嘅再唔係義士嘅利益,而係官方嘅利益。


^資料來源:https://thestandnews.page.link/EKTBBPyPoAHJKrZY8


4 次查看0 則留言

最新文章

查看全部