前日商務及經濟發展局副秘書長黃宗殷話有紀錄片或者以真實事件為基礎嘅電影，刻劃危害國安活動，建議作出修訂，完善電影檢查規管制度^。
港產片《無間道》嘅情節有狗隻被殺害，自由黨鍾國斌指電影有機會造成仇警觀感。依家睇返《無間道》簡直係一套預言戲，大家睇吓前狗隊一哥鄧炳強，連黑社會都可以做到狗隊大佬就知套戲行得幾前。
港共建議修訂《電影檢查條例》，不利於國家安全嘅電影就會禁播，《十年》、《理大圍城》、《時代革命》等將會變成禁片。無論電影題材係天馬行空定係按照真實事件改編都好，對電影進行審查呢一件事唔止係扼殺創作自由，仲係抹殺大眾嘅思想自由。中共對於每一種新嘅詞彙同概念進行打壓，列入敏感字等要大眾噤聲，正正係因為佢哋知道每一個字嘅背後都反映一個新嘅價值觀，控訴對社會嘅各種不滿，挑戰緊官方嘅價值觀。而電影係意識形態價值、文化理念傳播、啟發思考嘅媒介，所以港共都跟隨中共嘅步伐一步一步收窄香港人嘅自由，避免香港人喺思想上再有反抗念頭，遠離佢哋所推崇嘅社會價值，動搖統治基礎。
P.S. 最鍾意新警察故事呢一幕
^資料來源：https://news.rthk.hk/rthk/ch/component/k2/1610514-20210914.htm