喺8月嘅時候，我哋提及過海外非常任法官繼續留任等同幫港共塑造仲有司法獨立嘅假象，而上星期有英國自由民主黨議員Alistair Carmichael就呢件事發聲，指沈小民被迫提早退休同離開香港係為司法獨立敲響喪鐘^。
沈小民雖然曾經判多名手足無罪，但唔代表可以將佢之前將首批魚革義士收監呢件事一筆勾銷，亦都因為佢當時嘅判刑令往後裁定暴動罪嘅門檻降低。
但其實香港嘅司法系統一早已經崩壞，無數嘅手足被判監同還押。到呢一刻因為一個法官被迫退休先發覺有呢個問題，唔通對佢哋嚟講成千上萬嘅抗爭者只係數字？
每一個抗爭者都有血有肉，為咗香港嘅貢獻自己嘅未來。但無奈嘅係面對崩壞嘅司法制度，每單審訊波及到嘅手足、佢哋嘅家庭同身邊嘅人只可以被迫接受港共嘅壓制同迫害。每一位香港人都必須要謹記香港所發生嘅種種事情，唔可以忘記港共點樣殘害我哋嘅手足、我哋嘅香港。報仇唔係口號，亦唔可以依賴外人，自己香港自己救。
^資料來源：https://www.thetimes.co.uk/article/its-time-to-remove-british-judges-from-hong-kong-gshxb0b9s