流亡海外有時好掛住身邊有班人一齊講吓香港語？平日想學吓嘢，但係又唔知邊到學好？自學又成日想偷懶，想要個朋友仔一齊拍住上？
【技能師工作室】一次過滿足到你三個願望，可以一齊學吓新技能嘅同時又識吓朋友仔，傾吓偈吹吓水，互相鞭策。好開心出post之後都好多多才多藝嘅香港人報名，無私咁分享自己識嘅技能比我哋。今次第一輪嘅活動有日常類、運動類、技能類同語言類，真係集合各界能人，總有一款啱你心水。
1. 日常英文傾密偈
How’s your day? Ummm gooooood… 成日都覺得講英文好尷尬？唔驚！導師用好chill嘅形式去教日常英文用語，希望有個safe space俾大家練吓英文，順便輕鬆傾吓偈。
形式：網上
時間：星期日 夜晚*
人數：5個
*導師時間較彈性，我哋亦希望活動可以配合到大部分有興趣嘅手足，所以實際時間會喺雙方商討後再確實。
2. 瑜伽x香港style
瑜伽並唔係筋骨軟嘅人嘅專利！曾經有整親過同筋骨好硬嘅人都可以享受比瑜伽治癒吓你嘅身心，導師會因應大家嘅程度進行調節，包括運動創傷。做瑜伽仲會播吓香港歌，無論你係C AllFans定陳蕾世一，大家一齊揼個playlist出嚟啦。
形式：Face-to-face
地點：倫敦
時間：星期日 晏晝*
人數：8個
*導師時間較彈性，我哋亦希望活動可以配合到大部分有興趣嘅手足，所以實際時間會喺雙方商討後再確實。
3. 我真係識Adobe Illustrator！
個個份CV都話識AI，有幾多個真係識。今次上完之後你就可以大聲講啦！導師會分兩堂教Adobe Illustrator嘅基本操作，由基本功學起，了解下basic setting，遲啲自己再explore都唔洗逐個掣亂咁撳。
形式：網上
時間：平日 中午*
人數：10個
*導師時間較彈性，我哋亦希望活動可以配合到大部分有興趣嘅手足，所以實際時間會喺雙方商討後再確實。
4. 我哋嘅日本語初學班
Ado出新歌、新番出新一集要等中字好辛苦？不如襯依家學吓日文，除咗21314同Konnichiwa之外再學多幾句，由基本五十音慢慢學起，日文N5 - N3程度 。如果你本身已經有學日文經驗都可以同我哋mention返，同導師展開激烈交流啦。
形式：網上
時間：星期日 夜晚*
人數：5個
5. 法文BB班
Bonjour, Merci beaucoup… 法文淨係識幾句，有興趣學但係又唔知點落手好，我哋有導師識法文啊！啲生字有分性別，grammar又複雜到頭都爆？我哋用香港語由淺入深慢慢教，由A1到A2程度。如果你本身已經有學法文經驗都可以同我哋mention返，同導師展開激烈交流啦。
形式：網上
時間：星期日 夜晚*
人數：5個
*導師時間較彈性，我哋亦希望活動可以配合到大部分有興趣嘅手足，所以實際時間會喺雙方商討後再確實。
————————————————————————————
今次【技能師工作室】對象主要為等待政治庇護或已批出難民或人道保護身份嘅手足，但係明白亦有手足係持有BN(O)或其他Visa，我哋將會公開接受報名，名額有限。收到報名表後將會以Telegram聯絡同簡單核實身份。
報名表格：https://forms.gle/71sBHtL7xUN45Mu1A
義工導師我哋都持續招募緊㗎！如果你有一技之長，喺空餘時間可以同手足分享，希望你同我哋聯絡 (t.me/liberkong_admin)。 ———————————————————————————— 請喺開始填寫前閱讀以下聲明：
LIBERKONG會遵守同履行歐盟General Data Protection Regulation。有關閣下嘅個人資料，將只用作【技能師工作室】活動之用，而所有資料將於活動完結後刪除。
Data Protection Policy 暫時只提供英文版本，完整文件可以喺呢到閱讀。
如有疑慮或有任何問題，歡迎透過以下方式聯絡我哋。
Telegram: t.me/liberkong_admin
Instagram: instagram.com/liberkong
Email: liberkong@protonmail.com