【政治實體】



上星期四台灣喺立陶宛設立「駐立陶宛台灣代表處」,台灣總統蔡英文指今次係重要嘅外交突破。中共就事件批評立陶宛喺國際上製造「一中一台」,粗暴干涉中國內政,決定將中立兩國外交關係降為代辦級。並指台獨分子點都改變唔到「一個中國」呢個「事實」,佢哋最終必定係死路一條^。


中華人民共和國從未統治過台灣,台灣又點會係屬於中共。講起外交,其實香港都有實際嘅外交權力,只係共產黨一直用字詞去蒙蔽香港人,強行將「外交」功能一分為二,分別稱為「外交事務 (Diplomatic Affairs) 」同「對外事務 (Foreign Affairs) 」,誤導我哋以為香港真係無外交權力。


香港喺全球各地多個城市都設立經濟貿易辦事處同貿易發展局辦事處,一直都有自己嘅外交實權,只係未去到領事館級別。即使呢一刻仍然被共產黨佔領緊,香港都可以以獨立身分加入大多數成員都係主權國嘅國際組織,甚至簽訂國際協定。


除咗擁有以上嘅外交權力之外,曾經存在過嘅「三權分立」某程度等同證明香港係擁有自身本源權力嘅「獨立政治實體」,所以香港有獨立嘅行徑係好合理。


^資料來源:https://www.bbc.com/zhongwen/trad/world-59363971


5 次查看0 則留言

最新文章

查看全部