【文化史觀——民族覺醒】


如果1842年香港開埠可以視為香港民族嘅起始點,咁香港民族嘅歷史比1902年先有嘅「中華民族」更加悠長。 喺中華民國成立之前,係無「中華民族」嘅概念,而只有用血緣區別嘅漢、滿、蒙、回、藏等呢啲種族,而漢族亦只係對傳統華夏族聚居嘅關內九省做領土主權訴求,建立漢族國家。 事實上,香港人都唔係華夏族。香港中學教科書入面提及古代晉帝國被匈奴、鮮卑、羯、羌、氐呢啲非漢族入侵漢族領土嘅歷史稱為「五胡亂華」。由呢度我哋見到,喺漢族歷史入面,所謂「華」或者「中華」實際係指漢族。經歷咗「五胡亂華」之後,古代嘅華夏族其實喺現代一早已唔存在

———————————————— 《五族共和論》源於清帝國末年,清室喺外國考察之後,認為解決漢族動亂係好似外國一樣建立現代多民族國家,消除漢滿嘅敵視,以便清帝國用君主立憲嘅方式繼續統治擴大領土。但係,漢族嘅革命其後成功,《清室退位詔書》中將五族嘅領土交俾漢族建立嘅中華民國,而中華民國就順理成章用《五族共和論》去反過來統治滿族同其他少數民族。 華夏族當初起義嘅目的,就係要推翻滿族嘅侵略統治,建立漢族國家。可恥嘅係,漢族喺起義成功獲得權力之後,但就無視其他曾經俾清帝國征服嘅蒙古族、回族同藏族恢復主權嘅權利同願望,反過嚟以所謂嘅《五族共和論》去壓制其他種族對於被侵略征服嘅蒙古族、回族同藏族嚟講,漢族只係取代咗滿族嘅另一個外來侵略者。

———————————————— 由此可見,「中華民族」並唔係一個種族,亦都唔係一個國族或者文化共同族群,而係人為創造出嚟嘅政治詞彙。特登反覆咁使用同宣揚「中華民族」政治詞彙係要令人產生錯覺,誤以為大家都屬於一個叫「中華民族」嘅同文同種嘅種族。 事實上,中華人民共和國內係漢族處於支配地位,透過殖民或者其他政策去壓制其他人數處於劣勢嘅種族,而各個種族都無相同嘅文化。

———————————————— 「中華民族」政治詞彙只係作為支配者嘅自我想像,而其他被支配嘅種族就未必認同。 當呢種自我想像俾人睇拆穿嗰陣,民族嘅覺醒會導致民族國家嘅建立。好似一直用高壓統一管治各個少數民族嘅南斯拉夫解體成為好多個民族國家一樣,當共產黨嘅高壓統一管治管束嘅時候,東突厥斯坦、西藏、南蒙古、滿州呢啲地方都會自然咁步向獨立




EDIT

57 次查看0 則留言

最新文章

查看全部