今日廉政公署通緝張崑陽、李家偉、劉珈汶、李軒朗同羅冠聰，指涉嫌煽惑他人唔投票或投無效票 [1]。
香港政府舖天蓋地咁宣傳偽選舉，又高調通緝一班流亡海外嘅抗爭者，好努力咁做一場show假扮香港仲有「民主」。但喺後國安法時代，港共扼殺自由嘅手段各位香港人都「有目共睹」，亦有多間外國媒體批評今場選舉係受港共操控 [2]。
另外，李家超指選舉為香港「開展建設新年代」，落實「愛國者治港」原則，可以確保立法會係一個有建設性，務實解決問題嘅議會。議會政治光譜單一化，淪為橡皮圖章，代議士再唔係服務民眾而係政權，「被解決」嘅再唔係香港社會問題，而係暴政所視為眼中釘嘅香港人。
我哋再次呼籲香港人要全面杯葛呢個選舉，喺國安法底下一樣可以展現到香港人仍然可以團結對抗港共政權。喺海外嘅人亦可以做多一步，為仍然喺香港嘅人發聲。聽日，即投票日同日，我哋會喺香港駐倫敦經貿辦舉行一場不受中共操控嘅實體海外投票同集會，以行動證明我哋奮抗極權嘅心不滅。
❌ 12月19日 「拒絕承認選舉」集會 ❌
地點：香港駐倫敦經貿辦 (WC1B 3JA)
時間：13:30 - 15:00
資料來源：
[1] https://thestandnews.page.link/EbtsPja9zFfXxknu8
[2] https://thestandnews.page.link/ToHPcmYJFvJxJoCb6