上月教育局建議中小學舉行悼念南京大屠殺嘅活動，並提供包含日軍處決百姓、嬰幼兒屍橫遍野嘅影片建議學校播放。日前，保良局香港道教聯合會圓玄小學喺一年級嘅德育課播放該片段，導致部分學生不安，留低陰影 ^。但教育局推卸責任俾學校，仲指「無論如何，戰爭本身係殘酷，我們必須喺歷史中學識珍惜和平、尊重生命、寛恕別人、愛護國家」，港共真係為咗洗腦不擇手段。
根據教育局嘅講法，歷史的確係殘酷，認清歷史真相係必須嘅。香港「自古以嚟」都唔係中國嘅一部份，而依家係俾中華人民共和國武力侵佔。我哋呼籲全世界包括中共面對同接受呢個咁殘酷嘅事實，為香港民族爭取返應有嘅權利。
比起南京大屠殺，中共更加應該面對自己殘害自己人民嘅歷史，戰爭同大踴進、饑荒同文化大革命嘅死傷人數所比根本就係蚊同牛比，即使點樣扭曲歷史都係改變唔到呢個事實。
我哋要肩負起香港人呢個身份同責任，無論港共不斷扭曲歷史去鞏固政權，我哋都必須認清、捍衛真相，宣揚正確歷史同價值觀，令到香港民族嘅血脈延續。
^資料來源：https://thestandnews.page.link/SCxMtebWBCxJAhM8A