【法律喎】



今日政府話要「完善」法援制度,包括刑事案件,日後法援申請人都唔准自選律師代表,改為「官派律師」^。


法援制度原意係幫助市民唔會因為缺乏經濟能力而失去尋求公義嘅權利,等佢哋可以申請大狀由政府出錢打官司。但今日港共再次濫用「改革」嘅名義,剝削申請者自由選擇律師嘅權利,香港人再無得自己選擇相信嘅律師去代表自己。


律師都係一個個體,同樣都會有自己嘅政治立場。當無得自由選擇律師,好大機會就會獲派唔熟悉案件,甚至係藍、親共嘅律師負責。假設獲派何君堯代表社運案嘅被告,佢將佢殺無赦嘅言論套用喺被告身上,未上到法庭已經同被告係敵對狀態,到時真係「球證、旁證、足協、足總、足委,甚至同隊嘅隊友」都係港共嘅人,咁又何來公平審訊呢?


香港嘅法治已經扭曲到面目全非,如果香港嘅律師仍然唔覺得有責任要去控訴暴政、為佢哋所守護嘅法治、普世價值同香港嘅市民發聲,最終佢哋都會身受其害。


^資料來源:https://thestandnews.page.link/ibMcXSyB2E4KpfuX6



3 次查看0 則留言

最新文章

查看全部