日前，楊潤雄喺網誌中指近年香港社會出現「躺平主義」，長遠會窒礙社會進步，所以要喺校園內加強價值觀教育^。
喺一個正常嘅社會，勤力係有回報，所以社會上嘅人先會希望透過努力去達到想要嘅目標。但喺共產黨統治嘅地方，無論你點努力最終都只會俾共產黨割，所以支那先會萌生「躺平」呢個咁拚䠋嘅思想。如果香港真係好似楊潤雄所指咁出現拚䠋嘅現象，港共好明顯有一定嘅責任，難辭其咎。
同2008 年嘅《德育及公民教育課程指引》作比較，尋日公布嘅《價值觀教育課程架構》直接刪除「尊重人權」同以「批判思維」咁認識所謂嘅「祖國」等嘅學習目標。楊潤雄仲指「有國先有家」，價值觀教育必定包含愛國教育，所以要洗腦式咁灌輸學生必須服從、唔允許存有任何質疑咁去愛國愛黨。另外，課程架構內亦提到當個人要為自己嘅行為作出決策嘅時候，唔應該單純考慮個人立場同睇法，應該要考慮埋國家嘅福祉。
喺今次呢份《價值觀教育課程架構》港共剔除人權同批判思維嘅概念，不斷強調要有「國家觀念」，又新增勤勞為其中一個要培育嘅價值觀。港共除咗以暴政去扼殺自由，仲由中小學生方面落入，從小杜絕所有思考行為，要逐步將香港人變做機械人，盲目咁服從港共政府。一旦你再無任何利用價值，你就係下一個被港共「割韭菜」嘅對象。
^資料來源：https://thestandnews.page.link/avyAVFN42EnSoV8Y6