【港殤日】


1997年7月1日,中國佔領香港,為港殤日,至今,香港淪陷24年。兩年前,手足賦予咗呢日一個新嘅意義。佔領立法會當日,當手足們想攻入由政權所操控嘅立法會,有一班信奉”極權下仲有三權分立“呢個宗教嘅既得利益者阻礙我哋嘅行動,當刻有位手足將嗰位白頭佬拉走成為經典一幕。

香港人喺抗爭路上不斷成長,由2014年掉雜物會俾糾察阻止、2016年掉磚全世界同你割蓆、但到兩年前,攻入立法會即使有人唔認同都會同你講「不割蓆不分化」。我哋縱使互不相識,但會互稱手足正正係因為係面對共同敵人同困境前,我哋團結一致,視彼此尤如自己身體咁重要,不分你我。

短短兩年,香港抗爭空間受盡打壓、進一步壓縮,已經再無自由呼吸嘅空間。喺呢個權極底下,再盲目信奉同相信香港仍有一啲民主國家先有嘅教條係不切實際。煲底見嘅可能性好多,但最終勝利就只有一條出路。唯有認清事實、徹底覺醒,以香港為本,對準政權,不割蓆不分化,與所有為香港奮鬥嘅手足並肩前行。

2 次查看0 則留言

最新文章

查看全部