由2016年魚革開始，法律已經不復存在。喺2019年有咁多位手足被捕，判咗入獄無數咁多位手足，加埋今日三單新聞：港大學生會成員禁止出境[1]、終審法院就梁頌恆上訴嘅案件頒下判詞降低非法集結嘅門檻[2]同湯生上訴但法援唔批[3]，都再一次將「法治已經唔存在」呢個事實放喺我哋面前。
仲身處喺香港嘅人，絕對唔可以再心存僥倖，覺得自己唔會有事。除咗忍辱負重，扮住順民之外，而家香港嘅形勢根本就無辦法再做任何大規模抗爭。明知法律已成政治工具，所有嘢都係港共一言堂，想點老屈你都得，大家真係仲要喺由港共所設計嘅體制內抗爭？
但咁樣唔代表乜嘢都唔做，要做就要離開港共所監視同限制嘅地方做。現實一定會越嚟越殘酷、打壓亦只會更加嚴重，呢樣嘢我哋無得再逃避唔去面對。未諗好自己去向而仲有機會諗嘅，希望你哋思考吓究竟留有用之軀定係為咗一啲唔合常理嘅法律而坐十年八年邊樣更加值得。無人可以代其他人作出決定，但時間一去不返，少一個手足抗爭就係少一個，但無論如何都會尊重大家嘅選擇同決心，堅持直至可以喺煲㡳下相擁。
//即使費時一點 即使快樂不輕易 最後仍可遇見 —— C AllStar - 留下來的人//
資料來源： [1] https://hk.on.cc/.../bkn-20210716165832916-0716_00822_001... [2] https://legalref.judiciary.hk/lrs/common/ju/ju_frame.jsp... [3] https://www.facebook.com/Futongtofor/posts/522447095846214
Credit to C AllStar
C AllStar - 留下來的人：https://www.youtube.com/watch?v=-a02RxrYF24
作詞：曰云 作曲：徐沛昕 編曲：何秉舜 監製：簡