【私竇飯局 別有內情?】


「私竇飯局」呢單醜聞一曝光,港共政府即刻衝晒岀嚟官官相衛,試圖淡化事件。點解佢哋咁努力冚住呢單嘢呢?不如試吓由人物方面去諗。

已知有份岀席嘅有: 1.負責守住人出入嘅入境處 2.負責守住物品出入嘅海關 3.負責香港安全嘅保安局 4.中資恆大高層 *另外仲有5個人嘅身份尚未公佈

係咪有恆大高層想秘密進入或經過香港? 係咪有恆大高層同物品都要秘密進入或經過香港? 係咩恆大高層先叫得郁局長級官員? 係咪只係咁啱時任保安局局長李家超唔得閒出席飯局定有其他原因? 叫得保安局係咪即係有槍? 係咩恆大高層又有槍又可以叫得郁局長? 會唔會係恆大主席許家印促成今次嘅飯局?

如果呢啲問題嘅答案係真,絕對唔係五千蚊罰款可以解決嘅事情。

同恆大有關嘅事實: 恆大負債 恆大主席許家印6月底俾監管機構約見 同屬民企嘅馬雲俾共產黨軟禁 同屬民企嘅破咗產

恆大破產的話,到時借錢俾許家印嘅公司會逐間逐間跟住爆。但同馬雲唔同,恆大係的的確確負債,捉咗許家印就撲唔到水救恆大一樣係死。但因為俾人爆咗呢單飯局出嚟,早幾日先俾國務院金融穩定發展委員會嘅人捉去約見^,會唔會有咁巧合?會唔會係知道冚唔住先捉佢返去?呢單「私竇飯局」真係好耐人尋味啊。

本組織要求: 1. 林鄭月娥 Carrie Lam 交代係咪收到中共指令隱瞞事件 2. 入境處交代有無收到通報知道到許家印想進入香港 3. 海關交代有無收到唔檢查任何人或者貨物嘅要求 4. 保安局交代係咪有私人揸槍保鑣將會進入香港 5. 證監會 Securities and Futures Commission 交代作為香港上市公司恆大集團(3333)主席係咪好似馬雲咁想潛逃或者飯局過程中有無披露股價敏感資料令股民利益受損

^資料來源:https://news.mingpao.com/.../%e5%bd%ad%e5%8d%9a-%e9%87%91...

1 次查看0 則留言

最新文章

查看全部