【缺一不可】

已更新:2021年7月24日


港共早已密謀以教育之名,禁錮扼殺思想自由:滲透校園打壓校內政治聲音、清算教師、通識科「改革」、學習國家安全同歷史,以一系列高壓洗腦工具同暴政抹殺社會上任何異見同思想空間,甚至逐漸消除香港人呢個文化同身份認同。

尋日,林鄭喺黨慶活動表示文化藝術要講好中國同香港故事,先可以為社會帶來更多富教育意義同正能量嘅作品[1]。此外,港共恐怖分子另一成員鄧炳強都間接表示媒體、文化藝術、刊物等喺有效對抗政權嘅方法[2]。

港共可以用暴政打壓嘅只有行動上嘅自由,思想自由喺扼殺唔到㗎。佢哋以各種滲透、清算、鼓吹篤灰,但直至今時今日都仲未遏止大家對真相嘅追求同思考。換個方式諗一諗,港共咁落力去對付校園、媒體、電影等,好明顯同我哋講思想力量喺我哋對抗極權嘅一大武器。思考蘊藏住好大嘅力量,所以我哋必須繼續以文宣及各類型嘅活動去捍衛同傳承香港文化,鞏固共同信念。

—————同場加映————— 林鄭尋日致詞講「香港自古以來都喺中國領土,百年來,中國共產黨堅持維護國家主權、領土完整嘅信念,並時刻關心港人福祉」。但其實「中國」呢個詞彙直至現在仲未有一個好清晰嘅概念,一直都係中共胡亂演繹,呢個concept我哋將會喺星期日嘅專題同大家一一探討,密切期待。

資料來源: [1]https://www2.hkej.com/.../%E6%9E%97%E9%84%AD%E5%86%80%E9...

[2]https://news.rthk.hk/.../component/k2/1599258-20210705.htm


2 次查看0 則留言

最新文章

查看全部