近年因為港共極權嘅壓迫，無數嘅手足被迫流亡海外，而當中大部分都係本身喺香港仲讀緊書嘅莘莘學子。
喺英國流亡要面對嘅唔只係住屋、食宿問題。礙於難民身份或資源問題，佢哋就算想讀書都未必負擔到昂貴嘅學費。無工作權，每日有岀無入。對未來感到迷惘，對日後嘅想像更加可能係虛無、漆黑一片。
為咗令手足可以善用等待難民申請審核嘅時間，逐步適應同構思吓將來嘅生活需要，LIBERKONG依家招募各類型擁有一技之長嘅義工，喺空餘時間義務教授其他手足培養唔同興趣同各種技能。同時希望以提供一個平台俾身處異鄉嘅手足識吓朋友仔，傾吓偈、交流吓生活上嘅各種鎖碎事。
如果你有擅長嘅技能（例如英文或其他語言、手工藝、音樂、運動、甚至專業技能或學科知識等）希望你哋可以同手足分享，請你哋同我哋聯絡 t.me/liberkong_admin。