【聲援唐英傑義士】

已更新:2021年8月1日


今日唐英傑義士喺高等法院被裁定煽動他人分裂國家罪同恐怖活動罪罪名成立^,最高可判囚終身。

就唐義士一案,杜麗冰、彭寶琴同陳嘉信裁定「光復香港,時代革命」喺佢哋所謂嘅「自然及合理效果」就足夠構成煽動他人分裂國家,即係只要官覺得你有分裂國家,你就有。另外,法官強調狗隊係象徵香港法律同秩序,美化黑警暴行嘅同時,嘗試將市民只要唔支持黑警就等同破壞社會同法治掛勾。佢哋以上嘅行為先係威嚇公眾以圖實現港共嘅政治主張,進一步威嚇整個社會唔好再有任何反抗意識。

法治制度任由港共肆意利用,大律師公會竟然保持沉默,唔以自己專業守護專業、守護社會,公然容許共產黨肆意擺佈、操縱佢地嘅專業作為政治工具。佢哋一次又一次嘅沉默正正係助紂為虐,令一個又一個手足受到牢獄之苦,法庭同法律界已經同共產黨狼狽為奸。

喺今日唐英傑義士判刑之前,已經有無數咁多位手足等候判決、入獄。今次首宗國安法案亦喺一單好影響日後其他手足判罪嘅案件,被政權同法治聯手老屈入獄嘅手足只會越嚟越多。再褪都唔係辦法,大家要為自己人生拎返主導權。等待港共釋放義士簡直係天荒夜譚,係無可能發生。我哋唔可以被動咁等事情發生,拯救義士同手足,拎返主導權主動岀擊先係我哋唯一岀路。

^資料來源:https://thestandnews.page.link/rp6TVWDmjD15ecqX7

1 次查看0 則留言

最新文章

查看全部