【自己語言自己守護】



中共日前頒布《關於全面加強新時代語言文字工作的意見》,當中提到要提升香港、澳門普通話嘅應用水平,喺2025年普通話「全國」普及率要達到85% ^。


語言除咗係溝通嘅工具,仲係文化載體,一言一語都反映緊一個民族嘅歷史、文化同價值觀。語言更加係建構民族身份嘅基礎,不可缺失。中共全面推廣普及普通話,將語言標準化同單一化,方言就將會逐漸沒落,當民族失去獨特性,等同從文化方面進行民族大屠殺。


中國曾經有多處嘅人民因捍衛自己嘅方言而爆發示威,例如蒙古同廣州,因為佢哋明白日常所講嘅語言正正就係佢哋嘅民族特徵,為「母語至死不渝」。而喺新疆情況更加惡劣,早喺2017年中共就要求新疆學校全面禁止使用維吾爾語、繼續用維吾爾語出版教科書嘅教育工作者會被安上「民族分裂主義」同「恐怖主義」嘅罪名,判處無期徒刑或死刑。中共美其名係方便人民交流、溝通,但實則係透過語言霸權,滅絕多元文化。


港共由2008年就推行普教中,而家中共又再強調要喺香港普及普通話,我哋同其他少數民族面對嘅一樣,逐步被中共用政策去消滅語言,甚至民族。所以我哋無時無刻都要認清我哋係香港人,我哋嘅語言係香港語,必須捍衛香港民族嘅文化。


^資料來源:https://www.rfa.org/cantonese/news/pth-12022021071331.html


13 次查看0 則留言

最新文章

查看全部