喺早幾日，中國共產黨喺毫無先兆底下，禁止學科類培訓機構上市融資同資本化運作，亦唔允許外國資本進入呢個行業^。依家喺中國，私人補習越嚟越盛行，規模日漸增大，比起中共嘅義務教育，大眾更加重視私人補習。
大至私人補習嘅公司，小至補習內容都唔受到共產黨規管，所以共產黨為咗可以有效咁對小粉紅進行洗腦教育，打壓思想，就美其名以「減輕學生功課」同「減校外培訓負擔」，打擊民營私人補習企業，加強監管。
喺中國共產黨嘅地方，只要有違佢嘅管治方針，無一間民營企業係可以逃離被割嘅命運，之前嘅阿里巴巴同滴滴就係好例子。之前都講過「今日新彊西藏，明日香港」，呢句嘢已經應驗咗。我哋已經見到中共將支那嘅政策逐一套用喺香港到，今日佢哋喺支那打壓私人補習，聽日可能就到我哋。我哋必須借鑑支那嘅手段，預測同預防香港喺中共嘅侵佔下繼續惡化。
^資料來源：https://cn.nytimes.com/business/20210727/china-private-education/zh-hant/