【資產隨意被凍結嘅國際金融中心】



日前銀行公會更新《有關打擊洗錢/恐怖分子資金籌集的常見問題》,當中加入新要求指銀行必須披露涉嫌觸犯國安法嘅客戶有關罪行嘅相關財產^。


由「星火」被港共誣衊、安上「洗黑錢」之名開始,黑警同律政司就一路利用「洗黑錢」呢啲無政治性嘅刑事條例去抹黑同打擊支援組織。直至今日,星火嘅資產仍然處於凍結狀態,港共並無充份證據進行直接檢控。


喺更新指引之前,港共想取得相關資料就必須得到「提交物料令」,但即使有呢條令,當事人都可以選擇唔配合,令黑警難以搜證作出檢控。所以當政權無辦法由當時人方面入手,依家就轉向銀行入手,要求佢哋必須向黑警披露資料,連搜查令都唔使拎就可以要獲取義士所有財產資料,隨時凍結戶口,一個正當嘅理由都唔需要。


今次好明顯又係一個配合國安法嘅手段,因為港共根本難以單靠「洗黑錢」罪名而令所有曾經進行籌款嘅支援組織入罪,所以先更新指引方便國安搜證,再以其他方式去檢控呢啲組織或者義士。但今次指引主要都係要求在港嘅銀行,所以防止資產白白俾港共凍結,記得將資產調離香港。


^資料來源:https://news.rthk.hk/rthk/ch/component/k2/1616758-20211025.htm



3 次查看0 則留言

最新文章

查看全部