港共政府以疫情之名，打壓香港人自由出境嘅權利。自2019年反送中運動，港共政府進行瘋狂清算及搜捕，並強推一系列以鞏固共產黨嘅政權及利益為前題嘅政策，迫使大量香港人逃離自己嘅家鄉。
而準軍閥政權為咗阻止香港人帶住資金離開，由唔承認BNO護照開始，到今日由再次以控疫為由，由七月一日起再禁止英國航班著陸，以增加航空公司運作成本嘅方法去干預香港人出入境自由，做法居心叵測，十分可恥。
以唔同措施一步步去縮窄自由，呢一招港共政府已經用得爐火純青。在港嘅有安心上路，離港嘅八月有鎖港條例。一直以控疫為由再次溫水煮蛙，利用親共議員喺一個所謂嘅立法會以無視反對聲底下，強迫民眾接受新修訂嘅入境修例：一條仼由入境處處長不受約束、以政治考慮為前題去限制港人自由嘅政策，逐步將香港變成大監獄，軟禁在港港人。
準軍閥政權令到香港家不成家，必定再會以任何高壓手段去阻止香港人逃離呢個集中營。希望各位香港人做好萬全準備，必要時保留有用之軀。無論身在何處，都毋忘港共對香港人嘅所作所為，以新方式對抗極權。