【革命必須意志堅定】



無錯,辛亥革命係其中一個可以借鑑嘅示範。「第一次廣州起義」失敗後,孫中山被通緝下決定流亡海外。當刻喺政權底下較難進行革命,就唯有向外發展,但佢做遊說唔係為咗要世界列強認同佢嘅做法,而係好實際去傳播革命思想,從而籌集所需經費買武器同物資,因為單純只靠遊說係唔會令到革命成功。


雖然辛亥革命有少少意外成份,但當中可以參考嘅係如果只係喺一個地方爆發,就會好快被軍力懸殊嘅對家打敗。參考辛亥革命,同一時間喺唔同地方出兵,就可以將對家軍力打散,而增加成功率。兩年前,十八區開花同一個道理,但依家我哋需要一個放大版,我哋嘅戰場唔係淨係喺香港。


呢幾年嘅社會運動令香港民族覺醒,重新凝聚香港人,形成我哋獨有嘅共同意識。正如今日陳茂波所講,革命發展係無一成不變嘅路徑;革命成功係紮根人民、靠人民共同完成嘅事業;革命唔係一帆風順的,必須有意志堅定、勇於破解困難^。革命從來都唔係一朝一夕嘅事,毋忘初衷,喺人民中搵到力量。我哋必須有唔怕革命嘅犧牲同艱辛嘅精神,堅持落去,以生命共抗暴政。


^資料來源:https://www.info.gov.hk/gia/general/202109/23/P2021092300803.htm

6 次查看0 則留言

最新文章

查看全部