【香城黨校】

已更新:2021年7月25日


校方早已喺運動初期表明立場同學生對敵,2019年10月大學校董會主席就發出聯合公告:大學非政治戰場,違法違規學生及教職員可被解除學藉或解僱[1]、上年國安法通過當日又表示支持[2]、之後今年7月又再就梁健輝烈士一事發表聲明譴責煽動仇恨、美化暴力,並支持港共調查有關「恐怖主義」嘅活動[3]。

除此之外,校方打壓學生都有一手。連同理大學生會,城大、中大、港大先後都被校方暫停代收會費。校方唔承認學生會,以各種理由剝奪佢哋嘅職權,清算學生會,整肅清洗校園政治聲音[4]。再一次證明校方同港共都係一丘之貉共同打壓自由,與學生為敵。

各種事實擺喺眼前,學校已經唔再同學生企喺同一陣線,為學生發聲。喺「五四運動」,當時一班愛國學生為咗阻止中國喺巴黎和會上簽字,而燒咗曹汝霖官邸嘅趙家樓。當時捉走咗一批學生,而蔡元培係當時北大校長,雖然佢本身都反對學生示威,但最後都理解學生全身投入運動。面對當時有學生被捕,佢無同學生割蓆不特止,仲表示「學生的行動,為團體之行動,即學校之行動,決定只可歸罪校長,不得罪及學生一人」,挺身而出希望以一人抵罪保護學生,其後更加冇對學生進行處分。

喺102年前,北洋政府都會尊重學者。但今日,學者就同政權同流合污,將未來社會棟樑打壓、清算,日後校園環境只會越嚟越嚴峻。香港已經再無為學生挺身而出嘅校方,只會繼續扼殺、肅清所有異己,直至所有學校都變成岀產愛國小粉紅嘅工廠。

資料來源: [1] https://www.thestandnews.com/.../%E5%85%AB%E5%A4%A7%E6%A0... [2] https://news.now.com/home/local/player?newsId=396349 [3] https://www.thestandnews.com/.../%E5%85%AB%E5%A4%A7%E6%A0... [4] https://www.thestandnews.com/.../%E6%B8%85%E7%AE%97%E5%AD... [5] https://www.rfa.org/.../hk-education-07132021032135.html...

2 次查看0 則留言

最新文章

查看全部