【香港已是監獄】

已更新:2021年7月23日


懲教署今日發表咗份年報,表明對於𡃁仔倉嘅囚友會進行一系列洗腦教育。港共今次唔作仼何修飾,直接了當咁強制在囚青少年學習國歌法等,提升所謂嘅「國民身分認同」。 呢一招大家有無覺得似曾相識?有無回想返2012年港共提岀過嘅國民教育科?

在囚手足一直面對嘅唔淨止係思想上嘅毒害,仲有行為上嘅監視同逼害。喺監倉入面,懲教署除咗已經採用緊海康威視嘅鏡頭,亦都喺壁屋試行咗智慧監獄一段時間。 到呢到,你哋又有無醒起喺觀塘同九龍灣曾經比手足所拆嘅監控燈柱呢?甚至係安心上路app?港共其實一直以相同手段進行全方位去監控香港人嘅一舉一動。

另外,如果身家清白嘅各位唔好彩入咗監房,無公司(無黑社會背景),你就注定俾黑社會恰:每個月交倉煙,洗衫煙,剪頭髮都要俾兩飛煙。你以為得黑社會會霸凌你?錯,唔好唔記得懲教都係狗!如果懲教睇你唔順眼,更加可以叫黑社會喺無cam嘅地方之下,即係浴室同老細房(職員期數休息室)打你、恐嚇你,呢啲喺監獄入面真係見怪不怪。 呢刻大家又有無啲熟識嘅感覺?無錯,就係721。同樣由有公職權嘅人授權一班黑社會助紂為虐、恐怖襲擊香港人。

其實由中共侵佔香港開始,一直以用管治囚犯嘅方法去對待香港人,以上種種就係例證。因此大家亦都唔應該以為自己係自由身就覺得事不關己,只係大家唔察覺港共其實無形中已經一直打壓香港市民。關注囚權、去爭取在囚義士嘅權利固之然重要,但如果從另一個角度諗,無咗呢個準軍閥政權所控制嘅監獄,所有在囚人士就會得到保障、以一個以人為本嘅方向出發,去協助佢哋。而呢件事只可以喺一個民主國家搵到,唔係今時今日嘅香港。

5 次查看0 則留言

最新文章

查看全部