鄭月娥今日特別為「公民與社會發展科」老師講解行政長官嘅憲制地位同職權，當中發表偉論指中央無欠香港人普選^。
佢一開始就講「香港自古以來係中國一部分」，但係又會自相矛盾講當時中國都只係建國十幾年，咁又何來「自古以來」呢？另外，佢仲話「香港係英國殖民地」呢個說法唔準確。但其實喺中華人民共和國成為國家之前，英國已經符合國際法咁拎到香港嘅主權，當時香港島、九龍半島同新界已經係英國領土，所以香港曾經係英國殖民地係不爭嘅事實。到底港共為咗配合中共嘅洗腦工作，設立「公民與社會發展科」，入面篡改咗幾多嘅歷史呢？
當日，鄭月娥再次將香港人同中國人混為一談。大家要釐清香港人並唔係中國人，依家香港只係由英國殖民變咗被共產黨侵佔、操控。當鄭月娥指中央無欠香港人普選，我哋深表認同，因為一個被佔領、受極權國家控制嘅地方，人民根本無權力去選擇領導人或者參與政治。「基本法」亦唔係由香港人公投承認嘅法律，只係宗主國直接強迫香港人去遵守嘅「法律」，並無任何認受性。
要記得，從來我哋所追求嘅民主自由都唔係要喺共產黨手上得到。
^資料來源：https://thestandnews.page.link/8gGRrDBUTBv1nNR79