由1997年開始，英國政府每半年都會向國會提交關於《中英聯合聲明》喺香港執行情況嘅報告，命為《香港半年報告書》(Six-monthly reports on Hong Kong)。
截至今年六月，英國政府已經發表咗48份報告。但24年後嘅今日，呢份報告竟然從頭到尾都仲無進行過公眾諮詢，向最受《中英聯合聲明》影響嘅香港人收集意見。
中華人民共和國政府一直都反對呢份報告，指英方「無權說三道四、指手畫腳，不得以任何藉口插手干預」，並要求英國「停止發表有關報告，停止干預香港事務」。咁既然中華人民共和國覺得有份簽署《中英聯合聲明》嘅英國政府都無資格發表相關報告嘅話，咁我哋作為直接受影響嘅香港人夠資格啦掛？
所以我哋早前已經去信英國首相約翰遜、外交部同英國跨黨派香港小組，要求佢哋喺嚟緊新一份報告之前可以進行公眾諮詢，公開收集香港人嘅意見，提供我哋嘅觀點同英國政府喺香港未來嘅事上出力。因為香港民族先係中華人民共和國侵佔下嘅受害者。
十一國殤，送份大禮，賀佢老母。