【虐囚】



尋日懲教署指羅湖懲教所內有人建立勢力,其後署長胡英明接受採訪時表示當日所搜出嘅違禁品只係食物、唇膏同髮夾等超出咗還柙人士可管有嘅上限^。胡英明搜到幾支唇膏就咁威威,衝出嚟做訪問。琴日我哋都提過黑社會喺監房嘅勢力極大,「公司」每月都會輪流收倉煙、洗衫煙等,但正正係因為懲教放任、包庇黑社會,所以明知喺「B仔倉」幾百支煙你都唔會見到佢哋去搜。


除此之外,就囚權問題胡英明都有獨特嘅見解,表示監獄同出面嘅環境係永遠唔對等,如果改善咗監房就會變成「美好嘅樂園」,當啲人唔怕坐監就會影響香港穩定同安全。以衛生環境嚟講,荔枝角每個倉都有曱甴,仲要多到係夜晚瞓覺會爬上個身度。胡英明合理化侵犯在囚人士嘅人權,根本就係故意將囚權問題政治化,所以當石牆花聯署要求懲教提供人道待遇,通通都被無視、甚至被抹黑。


聯合國嘅《囚犯待遇最低限度標準規則》中提及「對待所有囚犯,均應尊重其作為人所固有的尊嚴和價值。任何囚犯均不應遭受——且所有囚犯均應得到保護以免遭受——酷刑和其他殘忍、不人道或有辱人格的待遇或處罰,對此,不得援引任何情形為例外理由。任何時候都應確保囚犯、工作人員、服務提供者和探訪者的安全。」酷暑難耐,監房並無任何防暑物資,空氣又唔流通,成個蒸爐咁徹夜難眠,而懲教並冇做任何改善措拖,呢個已經構成對囚友施以「酷刑同不人道等嘅待遇」,有違反該規則同國際人權法則之嫌。


依家嘅香港喺極權底下,大家唔想坐監嘅原因並唔係因為入面既環境幾咁惡劣,而係因為知道監房入面全部都係黑社會同懲教。懲教都係狗,喺資訊唔流通嘅情況下,加上警黑合作,同送中並無大分別,只不過係環境好少少,但人身安全仍受嚴重威脅。所以港共故意正常化囚權問題,將監房環境同香港安全掛勾,完全係唔人道同政治化嘅做法。


^資料來源:CCTVB

3 次查看0 則留言

最新文章

查看全部