前學生動源召集人鍾翰林義士因早前承認「分裂國家」同其中一項「洗黑錢」罪，今日判處監禁43個月^。陳廣池指雖然無實際分裂計劃，但係目的「明顯不過」。如果唔係被捕，「大有可能繼續其犯罪意圖」。
現時判決相比其他國安法案件相對比較輕，但其實每一個義士都唔應該受到呢種懲罰。國安法根本就係暴政打壓異己嘅工具，完全無邏輯可言，港共話你有罪就有罪。陳廣池都承認鍾翰林義士無實際分裂計劃，咁又何來分裂？任何人都會有自己對政治嘅理解同立場，喺一個民主社會宣揚同表達理念係「正常不過」嘅事。但係香港已經淪為人治社會，極權胡亂猜測你每個行為嘅目的，再誣衊你「危害」到佢嘅「威信」，為你安上各種罪名，再配合「法律」將你囚禁、滅聲。
可能有人認為唔應該向暴政低頭、認罪，但每一個人喺抗爭呢條路上極其重要，缺一不可。與其浪費時間俾港共，不如選擇可以盡早完成刑期嘅手段，繼續抗爭，直至成功。 ^資料來源：https://thestandnews.page.link/NaXsQtGaHDvLAHCw6