香港，曾經為英國殖民地，秉承三權分立去作為呢個地區嘅核心價值。自從被外族侵佔後，曾引以為傲嘅價值受到徹底破壞，三權分立已經不復存在。今日，鄭若驊以培養法律專才為由，滲透法律機構為實再進一步摧毀香港法治。咁同直接收買佢哋嘅距離爭幾遠？制造香港仲有法律嘅假象仲可以維持幾耐？
香港法治已死眾所皆知，但呢一個事實可以如何加以利用，從而幫助海外流亡手足？ 根據英國內政部2020年截至2021年第一季嘅數據^，香港流亡手足成功批岀難民或政治庇護申請微乎其微，20人申請中僅有3人獲批，成功率約15%。而鄰國喺162申請當中有44人成功，佔27%。雖批核因素有其他影響，但其中一個無可否認嘅係一個地區法治程度、能否提供一個公平公正嘅審訊係一個好重要嘅準則。司法系統並不可信，當地政府會以人道為由，減低遣返同拒絕申請嘅機率。
今次法律人才招聘計劃美其名係培育，但疑似滲透操控。球證旁證個啲全部都係佢嘅人，再次證明法治已死，香港徹徹實實同大陸無異。只要國際定既得利益者一日未認清香港法治明存實亡，一日認為仲有險可守，咁樣唔單止阻礙民主進程，現實啲嚟講更加會令到一班流亡手足得唔到最大嘅幫助。
^資料來源：https://www.gov.uk/.../immigration-statistics-quarterly...