今日，港共政府竟然仼命一個大學都未讀過嘅中學雞，做香港準軍閥政權嘅第二把交椅，極度可笑。不過鄰國政權都係由一個小學雞去支配，只可以話呢個世界真係無奇不有。
佢哋成日都講依法，但唔知佢哋有無睇清楚《基本法》第一條係點寫：「香港特別行政區是中華人民共和國不可分離的部分(inalienable part)」，而並非寫「香港特別行政區是中國不可分離的部分」。意味著當中華人民共和國不存在時，香港是可以分離的，甚至是因為缺乏了必須併合的主體而因法律(by operation of law)自動地分離。
無論字義上定法律上，中國同中華人民共和國並唔係同一樣嘢。可能佢哋仲係屬於中小學程度，理解唔到咁深嘅法律原理，本組織都深表遺憾，但亦都多謝佢哋俾咗一個清晰嘅方向我哋去繼續做我哋嘅嘢。